لسه لما بتيجى سيرتك
جد يحلالى الكلام
ألقى نفسى فى دنيا تانيه
وأنسى جرحك والآلام
أفتكر كل اللى بيننا
المشاعر...الغرام
والقى نفسى فى شوق اليك
حتى هجرك والخصام
أفتكر ضحكة عيونك
وأفتكر كيف الابتسام
وأفتكر همس الشفايف
وانت بترد السلام
قلت ان العمر عندك مش سنين
ولا ليالى......ولا أيام
قلت عمرك انت بس بتحسبه
وقت ما فى حضنى تنام
كنا مانضيعش لحظه
فى العتاب او فى الملام
قد آه عاشت قلوبنا
حب غالى وانسجام
تقسى ليه على قلب حبك
مش حرام
تحرم عيونى تنام
مش حرام
مش حرام تقسى عليا
مش حرام تبكى عنيا
مش حرام بعد المحبه
ألقى هجرك والخصام
مش حرام أزرع ياطيرى
وألقى يحصد زرعى غيرى
مش حرام أزرع موده
وأجنى جرحك والآلام
لااااااااا حرام
فى الغرام
والله حرام
بقلم.........نور محمد