الشوق كـــــــاويني وانا مشتعل انار
ياويل حال العايش احساس غـــربه
روحي سجينه وتايه الفكـر محتار
والعين مــــن مـــــوكي دمعه تصبه
حنيت انا لـــشوف الاحبايب والديار
اذكـــــــــــر ايام الاهـــــــل والاحبه
القلب يا يمه علــــــى شـــوفتك طار
مشتاق لحضانـــــك وراســـك احبه
اشكي لك مــــن الــهــم يطلبني بثار
من هو يواسي جـــرحي شلون طبه
نحتاج الك يمه تـــرى صغار وكبار
يــمــه تراني حــا لتي حيـــل صعبه
هدتني الغربه وضقت منها الامــرار
مـــــــن عاف داره يـــلـعب فيه طبه
نار الــوطــــن جنه وجنة الغرب نار
الـــعـــــز ببلادي وغـــيـــره اســــبه
ترى الوطن غالي ولهو علـــــي جار
مـــا ينكره مـــــن عاش فيه وتـــربه
يهزني حنين الشوك هــزات الاشجار
لاهــــب رياح وصار عــا لــي مهبه
غربة مشاعر غــــربة احساس وديار
ابشع احساس تـــعـــيشـه وتصتدم به
احساس قــــاتل يجعل الشخص ينهار
الهامــــــه تدنى وينثي عــــــلى ركبه
تمضي حياته كــلـــهاخـــوف واسرار
مــــــــامـــن صديق ولا قريبٍ يثق به
الكل مــــن حـــــوله يحس انهم اشرار
ولا شاف ابـــــن بـــلاده يطير قـلـــــبه
يحس بتقارب بالمشاعــر ولــفـــــكـــار
تنسجم روحـــــك مــــــع روحه وتحـبه
عشت الاحساس وما شفت غربة الادار
شاعـــر يعيش احساس غــيــريه وكتبه
الشوك كــاويني وانـــــا مشتعل نــــــــار
واقول انا يا صاحبي الــمــوت غـــربه
