كثر ماضاق بي صدري كثر ماهلـت العبـرات
كثر ماشفت من جور الزمـان وكثـر آهاتـي
كثر ماذقت في عمري من كفوف الحزن حسرات
كثر ماطالت الغربـة وطالـت بـي مسافاتـي
كثر هم السجين اللي قضى ليلـه مـع الونـات
كثر مارددت أمـه متـى عنـه الفـرج ياتـي
كثر مامرني طيفك كثر ماعشت مـن لحظـات
كثر ما منيتي أجلـس بجنبـك كـل لحظاتـي
كثر ما للحزن عبرة كثر ما للفرح بسمات
أحبك يا أمل عمـري وبهجـت كـل فرحاتـي
الا يا عمري الحاظر ولا يا عمـري اللـي فـات
ولا ياحلمي اللـي زارنـي فـي كـل غفواتـي
أحبك يا أطهر من الماء الزلال ومنبع اللـذات
أحبك يا بحـر حبـي ويـا دجـلاي وفراتـي
أحبك يالغرام اللي دخل فـي مهجتـي بسكـات
أحـبـك يابدايـاتـي أحـبـك يانهـايـاتـي
أحبك من شروق الشمس الى من تختفي وتبـات
وأحبك من غروب الشمس لين أوقات صحواتي
أحبك قلتها صـادق وعنـدي شاهـد وإثبـات
دموعي والأسى واليـأس والحسـرات إثباتـي
فديتك يابعد عذب القصايـد وأصـدق الأبيـات
فديت الرقة اللي تعتـذر عـن وصفـه ابياتـي
فديت الشفه اللي لا حكت لـي كنهـا همسـات
فديت الضحكة اللي رجعت لي كـل ضحكاتـي
أحبك لو وقف دونك جيوش وعسكـر وقـوات
بجيك ومهرتي عـزه وسيـف الحـب قواتـي
